IndvsAus Live : જાડેજાએ રેકોર્ડ 11મી વખત લીધી 5 વિકેટ, ઓસ્ટ્રેલિયાની પહેલી ઈનિંગ 177 રનમાં સમેટાઈ

Today Gujarati News (Desk)

બોર્ડર ગાવસ્કર ટ્રોફીની પહેલી ટેસ્ટ મેચ ભારત અને ઓસ્ટ્રેલિયા વચ્ચે નાગપુરના વિદર્ભ સ્ટેડિયમમાં રમાઈ રહી છે. આ ટેસ્ટ મેચમાં ઓસ્ટ્રેલિયાની ટીમ પહેલી ઈનિંગમાં 177 રનમાં ઓલઆઉટ થઈ ગઈ છે. ભારત તરફથી રવિન્દ્ર જાડેજાએ 5 વિકેટ લીધી હતી. આ સાથે તેણે ટેસ્ટ ક્રિકેટમાં 11મી વખત 5 વિકેટ લીધી. આ ઉપરાંત અશ્વિને ત્રણ વિકેટ ઝડપી હતી.

પહેલા ટેસ્ટમાં ભારતની પકડ મજબૂત

પહેલા ટેસ્ટના બીજા સેશનમાં ટી બ્રેક સુધી ઓસ્ટ્રેલિયાનો સ્કોર 8 વિકેટ ગુમાવીને 174 રન થયો.

અશ્વિને 450 ટેસ્ટ વિકેટ પૂરી કરી છે

સ્પિનર ​​રવિચંદ્રન અશ્વિને એલેક્સ કેરીને 36 રન પર ક્લીન બોલ્ડ કર્યો હતો. આ સાથે અશ્વિનની ટેસ્ટમાં 450 વિકેટ પૂરી કરી છે. અશ્વિન પોતાની 89મી ટેસ્ટમાં 450 વિકેટ ઝડપનાર વિશ્વનો બીજો સૌથી ઝડપી બોલર બની ગયો છે.