Today Gujarati News (Desk)
.jpeg "Infiltrate into India: રોહિંગ્યા બાદ હવે આ દેશના લોકો કરવા માંગે છે ભારતમાં ઘૂસણખોરી, બોર્ડર પર 510 કિમી વિસ્તારમાં સતર્કતા વધી 1")
પાકિસ્તાની આતંકવાદીઓ, શ્રીલંકન તમિલો અને બાંગ્લાદેશી રોહિંગ્યાઓ બાદ હવે મ્યાનમારના લોકો પણ ભારતમાં ઘૂસણખોરી કરવા માંગે છે. આવી સ્થિતિમાં ભારતે મિઝોરમથી આસામ સુધી સીમા સુરક્ષા વધારી દીધી છે. જેથી કરીને કોઈ ઘુસણખોર ભારતમાં ઘુસી ન શકે. શરણાર્થીઓને ભારત સૌથી અનુકૂળ અને સુરક્ષિત લાગે છે. તેથી જ તેઓ બધા ભારતમાં સ્થાયી થવા આવે છે અને અહીં ઘણી સમસ્યાઓ ઊભી કરે છે.
હકીકતમાં, આ સમયે મ્યાનમારમાં લોકશાહીની હત્યા કરવામાં આવી છે અને ત્યાં સૈન્ય દ્વારા કુશાસન છે. આવી સ્થિતિમાં હવે મ્યાનમારમાંથી મોટી સંખ્યામાં લોકો ભારતમાં ઘૂસણખોરી કરવાનો પ્રયાસ કરી રહ્યા છે. માહિતી મળતાની સાથે જ આસામ રાઈફલ્સે મિઝોરમમાં ભારત-મ્યાનમાર બોર્ડરના 510 કિલોમીટર લાંબા સેક્શન પર સતર્કતા વધારવાની જાહેરાત કરી છે. જેથી પાડોશી દેશોના ગેરકાયદેસર વસાહતીઓને દેશમાં પ્રવેશતા અટકાવી શકાય. આસામ રાઇફલ્સે મ્યાનમારમાં લશ્કરી બળવાને પગલે મિઝોરમમાં આશ્રય લીધા બાદ “હત્યાના કિસ્સાઓ સહિત ગુનાની વધતી જતી ઘટનાઓ” પર પણ ચિંતા વ્યક્ત કરી હતી.
આસામ રાઈફલ્સ એલર્ટ
“અમે ગેરકાયદેસર ઘૂસણખોરીને રોકવા માટે ભારત-મ્યાનમાર સરહદ પરના મોટા ભાગના ક્રોસિંગને બંધ કરીશું. ગેરકાયદેસર ઘૂસણખોરી મિઝોરમમાં કાયદો અને વ્યવસ્થાની સ્થિતિને વિક્ષેપિત કરી રહી છે,” આસામ રાઇફલ્સના એક અધિકારીએ મંગળવારે જણાવ્યું હતું. તેમણે કહ્યું કે બાંગ્લાદેશ અને મ્યાનમાર બંનેમાંથી ઘણા શરણાર્થીઓ અથવા ગેરકાયદેસર વસાહતીઓએ નકલી ભારતીય ઓળખ કાર્ડ મેળવ્યા છે. મિઝોરમ બાંગ્લાદેશ સાથે 318 કિલોમીટર લાંબી સરહદ ધરાવે છે. અન્ય એક અધિકારીએ જણાવ્યું હતું કે ગૃહ મંત્રાલય અને રાજ્ય સરકાર વચ્ચે સમજૂતી કરાર (એમઓયુ) પર હસ્તાક્ષર થયા પછી કેન્દ્રીય અર્ધલશ્કરી દળ આસામ રાઇફલ્સ તેના બટાલિયન હેડક્વાર્ટરને આઇઝોલથી જોખાવાસંગમાં તબક્કાવાર રીતે ખસેડશે. જોખવાસંગ રાજ્યની રાજધાનીથી 15 કિમી દૂર છે. તેમણે જણાવ્યું હતું કે, હાલ ટ્રાન્સફર માટે કોઈ સમયમર્યાદા નક્કી કરવામાં આવી નથી અને એમઓયુ તૈયાર કરવામાં આવી રહ્યા છે.
