Patan Accident: રાધનપુર વારાહી હાઇવે પર જીપ-ટ્રક વચ્ચે ગોઝારો અકસ્માત, પાંચ લોકોના મોત

Today Gujarati News (Desk)

રાધનપુર વારાહી હાઇવે પર ગોઝારો અકસ્માત સર્જાયો છે. પીપળી પાટિયા નજીક ટ્રક અને મુસાફર જીપ વચ્ચે ગમખ્વાર અકસ્માતમાં પાંચ લોકોનાં મોત નીપજ્યા છે. આ ઉપરાંત અન્ય પાંચ જેટલા લોકો ગંભીર ઇજાગ્રસ્ત હોવાની પણ માહિતી મળી રહી છે. આ ઇજાગ્રસ્તોને રાધનપુર રેફરલ હોસ્પિટલમાં ખસેડવામાં આવ્યા છે. આ દર્દનાક અકસ્માતમાં મૃત્યુંઆંક હજી વધે તેવી આશંકા વ્યક્ત કરવામાં આવી છે.

મળતી પ્રાથમિક માહિતી પ્રમાણે, જીપનું ટાયર ફાટકા જીપ ટ્રક સાથે ધડાકાભેર અથડાઇ હતી. જેના કારણે આ ગમખ્વાર અકસ્માત સર્જાયો છે.  આ અકસ્માતને પગલે હાઇવે પર ટ્રાફિક જામનાં દ્રશ્યો પણ સર્જાયા હતા. સ્થાનિક પોલીસની મદદથી આ ટ્રાફિકને હળવો કરવામાં આવ્યો હતો. આ અકસ્માતને પગલે સ્થાનિક પોલીસ ઘટનાસ્થળે પહોંચીને તપાસ હાથ ધરી છે.