Today Gujarati News (Desk)
વડા પ્રધાન નરેન્દ્ર મોદી મંગળવારે તેલંગાણાના નિઝામાબાદની મુલાકાત લેશે, જ્યાં તેઓ 8,000 કરોડ રૂપિયાના વિકાસ પ્રોજેક્ટ્સનું ઉદ્ઘાટન કરશે. આ સિવાય તેઓ ભાજપ દ્વારા આયોજિત રેલીને પણ સંબોધિત કરશે. તેમની મુલાકાત મહબૂબનગરમાં રેલીને સંબોધિત કર્યાના બે દિવસ બાદ થઈ રહી છે. જો કે આગામી વિધાનસભાની ચૂંટણી માટે આ રેલી ઘણી મહત્વની છે.
મુખ્યમંત્રી ચંદ્રબાબુ નાયડુની પુત્રી અને નિઝામાબાદ પ્રદેશના BRS પાર્ટીના MLC. કવિતા ચૂંટણી લડે તેવી શક્યતા છે. વર્ષ 2019માં યોજાયેલી વિધાનસભાની ચૂંટણીમાં કે. કવિતાને નિઝામાબાદ બેઠક પરથી ભાજપના ઉમેદવાર ડી અરવિંદ સામે હારનો સામનો કરવો પડ્યો હતો. જો કે, તેમ છતાં, કવિતા આ બેઠક પરથી ફરી એકવાર ચૂંટણી લડે તેવી અપેક્ષા છે.
તેલંગાણાના હળદરના ખેડૂતો લાંબા સમયથી રાજ્ય અને દેશમાં રાષ્ટ્રીય હળદર બોર્ડની સ્થાપનાની માંગ કરી રહ્યા છે. પીએમ મોદી તેમના તેલંગાણા પ્રવાસ દરમિયાન NTPCના તેલંગાણા સુપર થર્મલ પાવર પ્રોજેક્ટના પ્રથમ 800 મેગાવોટ એકમનું પણ ઉદ્ઘાટન કરશે. આનાથી રાજ્યને સસ્તી વીજળી મળશે, જે રાજ્યના આર્થિક વિકાસને ઝડપથી વધારવામાં મદદ કરશે. આ સિવાય પીએમ મોદી વડાપ્રધાન-આયુષ્માન ભારત હેલ્થ ઈન્ફ્રાસ્ટ્રક્ચર મિશન હેઠળ 20 ક્રિટિકલ કેર બ્લોકનો શિલાન્યાસ પણ કરશે.
