Today Gujarati News (Desk)
ભારત સરકારે ભારતીય નૌકાદળને અદ્યતન જનરેશનના ફાઇટર એરક્રાફ્ટથી સજ્જ કરવા નેવલ રાફેલની પસંદગીની જાહેરાત કરી છે. ભારતીય નૌકાદળના 26 રાફેલ પહેલાથી જ સેવામાં રહેલા 36 રાફેલ સાથે જોડાશે. ડસોલ્ટ એવિએશને આ જાણકારી આપી છે.
ભારતમાં હાથ ધરવામાં આવેલા સફળ પરીક્ષણ અભિયાન પછી આ નિર્ણય લેવામાં આવ્યો છે, જે દરમિયાન નેવલ રાફેલ એ દર્શાવ્યું હતું કે તે ભારતીય નૌકાદળની ઓપરેશનલ જરૂરિયાતોને પૂર્ણ કરે છે અને તેના એરક્રાફ્ટ કેરિયર્સની વિશિષ્ટતાઓ માટે યોગ્ય છે. ડસોલ્ટ એવિએશન તરફથી પણ આ માહિતી સામે આવી છે.
ભારત મજબૂત બનશે
આ પ્રસ્તાવને સંરક્ષણ પ્રધાન રાજનાથ સિંહની આગેવાની હેઠળની સંરક્ષણ અધિગ્રહણ પરિષદ (ડીએસી) દ્વારા મંજૂરી આપવામાં આવી હતી. તેની નૌકાદળમાં જોડાવાથી તાકાતની સાથે-સાથે લશ્કરી પરાક્રમમાં પણ વધારો થશે. ભારતીય અધિકારીઓ દ્વારા શરૂ કરવામાં આવેલી કવાયતનું પરિણામ જણાવવામાં આવી રહ્યું છે.
આનાથી સમુદ્રમાં ભારતની શક્તિ અનેક ગણી વધી જશે અને ભારત તેના કાફલામાં રાફેલની બંને આવૃત્તિઓ (હવા અને નૌકાદળ) સામેલ કરવા માટે એક શક્તિશાળી દેશ બનશે. ઉલ્લેખનીય છે કે, ભારતીય વાયુસેના માટે ફ્રાન્સ પાસેથી 36 રાફેલની ખરીદી કરવામાં આવી છે.
