જીબ્રાલ્ટરનો ખડક અદ્ભુત છે, જે 18મી સદીથી બ્રિટિશ લશ્કરી શક્તિનું પ્રતીક છે. તે તેની વિશિષ્ટ મેઘ રચનાઓ માટે જાણીતું છે, જેને ‘લેવેન્ટર્સ’ કહેવાય છે. હવે આને લગતો એક વીડિયો વાયરલ થઈ રહ્યો છે, જેને જોઈને એવું લાગે છે કે જાણે આ ખડકની ટોચ પરથી વાદળો નીકળી રહ્યા છે. આવો અદ્ભુત નજારો કદાચ તમે પહેલાં નહિ જોયો હોય!
આ વીડિયો સોશિયલ મીડિયા પ્લેટફોર્મ પર પોસ્ટ કરવામાં આવ્યો છે આ વીડિયો માત્ર 21 સેકન્ડનો છે, જે જોવા માટે ખૂબ જ અનોખો છે.
લાઈવસાયન્સના અહેવાલ મુજબ, જિબ્રાલ્ટરનો ખડક ‘બેનર વાદળો’ ઉત્પન્ન કરવા માટે જાણીતો છે. જ્યારે પવન ખડકની ટોચ પર પહોંચે છે, જેને લેવન્ટ તરીકે ઓળખવામાં આવે છે. આ પવન જિબ્રાલ્ટર સ્ટ્રેટમાંથી પશ્ચિમ તરફ વહે છે. તેથી, સ્થાનિક લોકો આ વાદળોની રચનાઓને ‘લેવેન્ટર્સ’ કહે છે. લેવેન્ટર્સ એ ‘બેનર ક્લાઉડ’નો એક પ્રકાર છે જે પવન જોરદાર હોય ત્યારે અલગ, તીક્ષ્ણ પર્વત શિખરો પર રચાય છે. તેઓ માઉન્ટ એવરેસ્ટ અને મેટરહોર્ન જેવા શિખરો પર પણ જોઈ શકાય છે.
આ ખડક ક્યાં આવેલો છે?
જિબ્રાલ્ટરનો ખડક બ્રિટિશ પ્રદેશ જિબ્રાલ્ટરમાં સ્થિત છે, જેની ઊંચાઈ 1,398 ફૂટ છે. તે યુરોપના દક્ષિણપશ્ચિમ છેડાની નજીક અને ભૂમધ્ય સમુદ્રના પ્રવેશદ્વાર પર ઇબેરિયન દ્વીપકલ્પ પર સ્થિત છે. તે જ સમયે, Atlasobscura.comના અહેવાલમાં, એવું કહેવામાં આવ્યું છે કે બીજા વિશ્વ યુદ્ધ દરમિયાન, બ્રિટિશ સેનાએ ધ રોક ઑફ જિબ્રાલ્ટરમાં એક ગુપ્ત ચેમ્બર બનાવી હતી, જે ‘સ્ટે બિહાઇન્ડ કેવ’ તરીકે ઓળખાય છે.
