ગુજરાતમાં કમોસમી વરસાદનો કહેર જોવા મળી રહ્યો છે. છેલ્લા ઘણા દિવસોથી ગુજરાતના વિવિધ વિસ્તારોમાં ભારે વરસાદ પડી રહ્યો છે. જેમાં જીવ ગુમાવનારા લોકોની સંખ્યા વધીને 27 થઈ ગઈ છે. સોમવારે સવારથી ગુજરાતમાં વરસાદ જોવા મળ્યો હતો. જેના કારણે લોકો મુશ્કેલીમાં મુકાયા છે.
સપ્તાહના અંતમાં રાજ્યના ઘણા ભાગોમાં પડેલા કમોસમી વરસાદને કારણે સોમવારે ગુજરાતમાં મૃત્યુઆંક વધીને 27 થયો હતો. આ સાથે 79 પશુઓએ પણ જીવ ગુમાવ્યા છે. સ્ટેટ ઇમરજન્સી ઓપરેશન સેન્ટર (SEOC)ના સત્તાવાર નિવેદનમાં આ માહિતી આપવામાં આવી છે.
SEOC અનુસાર, દાહોદ જિલ્લામાં એક મકાન ધરાશાયી થતાં બે લોકોએ જીવ ગુમાવ્યો હતો, જ્યારે ગુજરાતના મહેસાણા જિલ્લામાં એક વૃક્ષ ધરાશાયી થતાં અન્ય એક વ્યક્તિનું મૃત્યુ થયું હતું.
અગાઉ અમદાવાદ, અમરેલી, આણંદ, ખેડા, દેવભૂમિ દ્વારકા, પંચમહાલ, પાટણ, બોટાદ, મહેસાણા, સાબરકાંઠા, સુરત અને સુરેન્દ્રનગર જિલ્લામાં એક-એક વ્યક્તિનું મોત થયું છે. તાપી જિલ્લામાં વીજળી પડવાથી બે લોકોએ જીવ ગુમાવ્યા હતા.
બનાસકાંઠા અને ભરૂચ જિલ્લામાં વીજળી પડવાથી ત્રણ-ત્રણ અને દાહોદ જિલ્લામાં ચાર લોકોનાં મોત થયાં હતાં, એમ અધિકારીએ જણાવ્યું હતું. રવિવારે કેન્દ્રીય ગૃહમંત્રી અમિત શાહે ગુજરાતમાં થયેલા મોત પર શોક વ્યક્ત કર્યો હતો.
તમને જણાવી દઈએ કે ગુજરાતમાં રવિવાર સવારથી રાજ્યના ઘણા ભાગોમાં કમોસમી વરસાદ પડી રહ્યો છે. છૂટાછવાયા વરસાદની સાથે અનેક જગ્યાએ કરા પણ પડ્યા હતા. તમને જણાવી દઈએ કે છેલ્લા 24 કલાકમાં વીજળી પડવાથી 24 લોકોએ જીવ ગુમાવ્યા છે. જેમાં 23 લોકો ઘાયલ થયાના સમાચાર છે.
