T20 વર્લ્ડ કપ 2024: ભારત અને દક્ષિણ આફ્રિકા વચ્ચે આજથી 2 ટેસ્ટ મેચની સિરીઝ શરૂ થવા જઈ રહી છે. શ્રેણીની પ્રથમ મેચ સેન્ચુરિયનના સુપરસ્પોર્ટ પાર્કમાં રમાશે. આ સિરીઝમાં ટીમ ઈન્ડિયાની કમાન રોહિત શર્માના હાથમાં છે. ODI વર્લ્ડ કપ 2023 બાદ તે પ્રથમ વખત એક્શનમાં જોવા મળશે. આ મેચ પહેલા તેણે પ્રેસ કોન્ફરન્સ કરી અનેક સવાલોના જવાબ આપ્યા.
શું રોહિત શર્મા T20 વર્લ્ડ કપ 2024માં રમશે?
T20 વર્લ્ડ કપ 2024નું આયોજન વેસ્ટ ઈન્ડિઝ અને યુએસમાં થશે. આ ટુર્નામેન્ટમાં કુલ 20 ટીમો ભાગ લેશે. આ મેગા ઈવેન્ટ માટે તમામ ટીમોએ તૈયારીઓ શરૂ કરી દીધી છે. પરંતુ હજુ એ સ્પષ્ટ નથી થયું કે રોહિત શર્મા આ ટૂર્નામેન્ટમાં રમશે કે નહીં. આ દરમિયાન, પ્રેસ કોન્ફરન્સ દરમિયાન, જ્યારે એક પત્રકારે તેમને ટી-20 વર્લ્ડ કપ 2024 સંબંધિત પ્રશ્ન પૂછ્યો, તો તેણે ખૂબ જ રમૂજી રીતે જવાબ આપ્યો.
રોહિતે પ્રેસ કોન્ફરન્સમાં આ જવાબ આપ્યો હતો
ODI વર્લ્ડ કપ બાદ પોતાના પુનરાગમન અંગે રોહિત શર્માએ કહ્યું કે રમત પ્રત્યેનો જુસ્સો બરકરાર છે. વધુ ને વધુ ક્રિકેટ રમવાની ભૂખ છે. T20 વર્લ્ડ કપ વિશે રોહિતે કહ્યું કે જુઓ, હું સારી રીતે જાણું છું કે તમે મારાથી શું કહેવા માગો છો. તમે જે જવાબ શોધી રહ્યા છો તે તમને બહુ જલ્દી મળી જશે.
1 વર્ષથી T20 મેચ રમી નથી
રોહિત શર્માએ ટી20 વર્લ્ડ કપ 2022 દરમિયાન ટીમ ઈન્ડિયા માટે તેની છેલ્લી ટી20 મેચ રમી હતી. આ ટુર્નામેન્ટમાં ભારતને સેમીફાઈનલમાં હારનો સામનો કરવો પડ્યો હતો. ત્યારથી રોહિત શર્મા ટી-20થી દૂર છે અને હાર્દિક પંડ્યા ટીમની કમાન સંભાળી રહ્યો છે. રોહિતની સાથે વિરાટ કોહલીએ પણ છેલ્લા 1 વર્ષમાં ભારત માટે એક પણ T20 મેચ રમી નથી.
